ભગવાન શ્રીકૃષ્ણની જન્મકુંડળી તથા આ વર્ષ ની જન્માષ્ટમી ઉજવો…૨-૯-૨૦૧૦ નાં રાત્રે ૧૨ પછી..

ભગવાન શ્રીકૃષ્ણની જન્મકુંડળી

ભાગવતના દશમાં સ્કંધ અને ત્રીજા ચેપ્ટરમાં લખાયું છે કે ચંદ્ર જયારે રોહીણી નક્ષત્રમાં હતો. વિષ્ણું પુરાણમાં 26 મા શ્લોકના પ્રથમ  ચેપ્ટરના 5 માં અંશમાં જણાવ્યુંછે કે કૃષ્ણ જન્મયા ત્યારે વદીપક્ષની આઠમ અને શ્રાવણ મહીનો હતો. હરીવંશના પાર્ટ એક અને બાવનમાં ચેપ્ટરમાં પણ ઉપરોકત વીગતો નોંધાયેલી છે. અને ઉલ્લેખ છે કે રોહીણી નક્ષત્ર મીડનાઇટનો જન્મ કૃષ્ણનો.

આમ ઉપરોકત ત્રણેય ગ્રંથોના આધારે કહી શકાય કે શ્રીકૃષ્ણ 19/20 જુલાઇ 3228 બી.સી. ના

મીડનાઇટે મથુરામાં જન્મયાં હતાં. વધુમાં જન્મસ્થળીએ પણ આ વાત નોંધાયેલી છે.

અને તેના આધારે ભગવાન શ્રીકૃષ્ણની જન્મકુંડળી નીચેપ્રમાણે આવશે.

વ્રષભલગ્ન,  લગ્ને ચંદ્ર , ત્રીજે કકૅ ના શુક્ર , મંગળ  અને રાહુ , ચોથે સિંહના સુર્ય ને ગુરુ ,

પાંચમે કન્યાનો બુધ ,  સાતમે વ્રુશ્ચિકની શની, અને નવમે મકરનો કેતુ .

શ્રીકૃષ્ણ ભલે શ્યામ સુંદર કારણ કે ચંદ્ર + શનીની સમસપ્તક યુતી. લગ્ન વ્રષભ તેનો માલીક શુક્ર ત્રીજે મંગળ સાથે  એટલે  આકષૅણ અદભુત હતું સાથે રાહુ પણ તેથી નાનું – મોટું સ્વરુપ – અગમ નીગમ અને ચમત્કારી ગુણો ધરાવતાં હતાં. અસંખ્ય ગોપીઓ તેમની રાસલીલા –વાંસળી ( શુક્ર + મંગળ = આટૅ કલા ) પર ફીદા હતીજ.  ગોપીઓ તેમને અનહદ ચાહતી હતી. શુધ્ધ પ્રેમ માં ખેંચાતી હતી.

વાણીનો કારક બુધ સ્વયંમ સ્વગ્રુહી થઇને તેમજ પંચમેશ તરીકે પણ બુધ પાંચમે છે. વાકચાતુર્ય અને રજુઆત-દલીલ કરવાની શક્તિ  બુધ પાંચમે ના લીધે અદભુત હતી. સમજ શક્તિ – સમજદારી અને નીણૅયશક્તિ તેમનામાં જબરદસ્ત હતી. આ શક્તિ વ્રૂષભના ચંદ્ર અને રોહીણી નક્ષત્ર ને કારણે.

સિંહના સુર્યને કારણે પ્રતાપી ગુણો હતાં જેને લઇ ને પાપીઓનો  દુષ્ટો નો નાશ કરવા શક્તિમાન. તેમજ ગુરુ સિંહ નો હોવાને લઇને ડાહ્યાસમજુ વ્યક્તિના તે મિત્ર હતાં. સુર્ય અને ગુરુની યુતી ચોથે ખાસ અગત્યતા ધરાવે છે.

દશમાનો અધિપતિ શની લગ્નને જુવે છે ,તેમજ આત્મકારક સુર્યને જુએ છે, તેમજ ધર્મના કારક ગુરુને પણ જુએ છે, અને મનના કારક ચંદ્રને પણ જુએ છે. આમ સુર્ય + ગુરુ ની યુતી ચોથે બહુજ અગત્યતા ધરાવે છે.

દુશ્મન સ્થાનનો અધિપતિ શુક્ર જે (લગ્નેશ પણ છે) ત્રીજે પરાક્ર્મ-સાહસના સ્થાનમાં રાહુ અને મંગળ સાથે યુતિમાં જે કંસમામા  ને પોતાના હાથે મ્રુત્યુદંડ આપે છે.

કૌરવો અને પાંડવો વચ્ચે લડાયેલ મહાભારત યુધ્ધમાં અર્જુનના સારથી તરીકે મીત્ર તરીકે સાથ નિભાવ્યો અને દુર્યોધન જેવા ને સજા અપાવવા ધર્મની રક્ષા કાજે – સત્યની પડખે જ રહયા.

શ્રીકૃષ્ણની કુંડળીમાં સૌથી અગત્યની બાબત હોય તો તે વ્રૂષભ લગ્ન. વાણીનું સ્થાન બીજું અને બીજા સ્થાનનો કારક બુધ સ્વયંમ જ્યારે સ્વગ્રુહી થઇને પુણ્ય સ્થાન માં 5મે (ઇંટલીજંસી નું સ્થાન ગણાય છે) હોય તો તેને કોણ પહોંચી શકે.!!

“ કર્મ કરે જા – ફળ ની આશા રાખ નહી “ , તેવો ગુરુ મંત્ર આપનાર શ્રીકૃષ્ણ એક અદભુત કહી શકાય તેવા વિશિષ્ટ વ્યકિતત્વ ધરાવતા હતાં. કારણ લગ્ને ચંન્દ્ર વ્રુષભનો રોહિણી નક્ષ્ત્ર નો . ચતુથૅશ અષ્ટમેશની યુતી તથા લગ્નેશ બળવાન અને છ્ઠાનો માલિક પણ સ્વયંમ “ અહં બ્ર્હંમાસ્મિ “ કહી શકે  છે .

વાંસળીની ધુન પર તે સમયે શ્રીકૃષ્ણ મેડિટેશન – ધ્યાન કરાવતા તેમ કહી શકાયજ, કારણ ભગવદૂ-ગીતાના છઠા અધ્યાયમાં,  દૈવી સત્સંગ પર, ધ્યાનયોગ પર , શ્રીકૃષ્ણ અર્જુનને સમજણ આપેજ છે.

ડૉ. સુધીર શાહ ના જય શ્રી કૃષ્ણ

નોંધ :  1. સંદેશ સાપ્તાહિક પ્રૂર્તિ માં મારા જ દ્વારા લખાયેલ તા.12-8-2001 ના, તે જાણ પુરતું.

2.   જન્માષ્ટમી ગુરુવારે  ૨-૯-૨૦૧૦ નાં રાત્રે ૧૨ પછી અને નંદ મહોત્સવ ૩-૯-૨૦૧૦ ના શુક્રવારે સવારે ઉજવવો


Advertisements

Posted on 31/08/2010, in Astrologer Dr Sudhir Shah, astrology, Dr.Sudhir Shah, Internet, Krishn, My Opinion, News, Sanskar, sharing. Bookmark the permalink. 1 ટીકા.

  1. Great information !!
    Such a wonderful knowledge about Shree Krishna…….

%d bloggers like this: